ตอบ

ข่าว:

เว็บใต้ร่มธรรม ตั้งขึ้นเพื่อการรวมตัวของสมาชิกและทีมงานเว็บอกาลิโก ให้มาปรึกษาพบปะพูดคุยกันก่อนเดินทางสู่เส้นทางเดิมของอกาลิโกครับ พร้อมที่จะสานต่อความดีบนโลกออนไลน์ใบเล็กๆนี้ ทุกเรื่องราวมีความเป็นไป หากพี่ๆทุกท่านได้รับข่าวสารฉบับนี้ ถ้ามีเวลา..ก็ขอให้แวะมา พักคุยธรรมะปรึกษาหารือกันเช่นกัลยาณมิตรเหมือนที่เคยมา.."ด้วยความคิดถึงอย่างยิ่ง..ถึงที่สุด ธรรมะอวยพรครับ"

ข้อความโดย: ฐิตา

« เมื่อ: มกราคม 05, 2011, 07:43:56 pm »

ใส่การอ้างถึงคำพูด

- - จากใจแม่.. ถึงลูกๆ
บทกวีอีสาน : คุณครูสุดใจ จ.สกลนคร

(เกริ่น) โอ่………โอย ละหนอ………….. ละบุญเอ๋ย บุญที่นางเคยสร้าง
สังบ่แปงหนทางพอให้ลูกเทียวไต่ ละซ่างมีบาปมาแล่นเข็น
ละสังมีเวรมาแล่นต้อง ให้นางน้อง..ห่างแม่มา…ละนา.

1) ฟังเด้อพวกพี่น้อง ท้องถิ่นดินไทย ฉันสิไขวาจา เรื่องราวพอฮู้
หมู่เขาล่องเขาคั่นคึดนำกันบาดสิจาก คึดยากนำห่วงชู้ยามสิได้ห่างหนี
แต่ว่าโตนางนี้ ผัดคึดต่างบ่คือเขา คึดเถิงคุณมารดาเฮามากมายหลายล้น
เกิดเป็นคนมาได้ กะบุญหลายเหลือหลาก แม่เพิ่นยาก ยิ่งล้น
แต่ชีวิตเริ่มต้นเป็นคนเข้าสู่ครรภ์
ได้เก้าเดือน แม่อุ้มท้องอยู่หั่นหนักหน่วยทรมาน น่าสงสารตอนเจ็บ
เก้าเดือนตอนถ้วน
แม่โอดครวญเจ็บท้อง สยองขวัญ…….เอ๋ย….ตอนคลอด
ฮอดมื่อเจ็บปวดท้อง แม่หลงฮ้อง…อยู่ผู้เดียว… เสียวใน ใน……..ละนา

2) ละบาดนี้ออกมาแล้วกะได้ เอาใจใส่บ่หนีปำ
ฮักปานแตง แพงปานตา แม่บ่ป๋าวางไว้
เทิงอยู่ไฟ ขางทางหลัง ขางทางหน้า ย้านน้ำนมบ่มา แม่เทิงย่าง แม่เทิงจี่
ยา..ใด๋ดีกะได้ เอามาให้ซ่อยน้ำนม
เลือดผสมในอกให้ กลั่นออกจากทางในเป็นน้ำนมให้ลูกดื่ม
ลูก ลูก บ่ควรลืม พระคุณแม่มากล้น ดินฟ้า กะบ่ปาน
นอนหลับอยู่กะย้านหิ่นไต่ ไฮตอม แม่ถนอมแพงฮัก บ่ให้หยังดอกมาใกล้
กว่าสิหลับลงได้ เทิงไกวเปล เทิงกล่อม…โอย…น้อ

(เพลงกล่อมลูกภาคอีสาน) อือ…นอนสาหล่าหลับตาแม่สิกล่อม
นอนหลับแล้วลูกแก้วแม่สิไกว
แม่ไปไฮ่หมกไข่มาหา แม่ไปนาปิ้งปลามาต้อน
แม่เลี้ยงม่อนให้นอนอู่สายไหม….อือ…อื้อ….อือ

(ลำ) กว่าสิหลับลงได้เทิงไกวเปลเทิงกล่อม เห็นลูกนอนอ้อมล้อมหลับแล้วจั่งส่วงใจ
ลูกพาหัว จั่งได้หัว ลูกพาไห้ กะได้ไห้ แม่นี้แสนดีใจ ยามเห็นลูกห่าวซื่น
ลูกพาหลับจั่งได้หลับ ลูกพาตื่นกะได้ตื่น เวลาเลี้ยงลูกน้อยจนวินม้อยแม่นจ่อยโซ .....ละนา......

3) ละบาดนี้ เวลากายไปพ้นลูกเป็นคนจนใหญ่ ย้อนน้ำนมแม่ให้กินได้จั่งใหญ่มา
คุณแม่หนักกว่าแผ่นฟ้า หาแนวเปรียบบ่มีเหมือน ลูกผู้ชายให้บวชเฮียนทดแทนพระคุณไว้
ลูกแม่หญิงกะให้เฮ็ดโตดี ทดแทนค่า อย่าพากันคิดตื้นๆ มองข้ามพ่อแม่เฮา
ละบ่มีไผฮักเจ้าท่อชีวีคือพ่อ-แม่ ให้ทำดีไว้แหน่ พระคุณแม่ น้อ มากล้น…
ทดแทนใช้ ค่าน้ำนม …สมเวลา……ละนา

บทกวีท้องถิ่นอีสาน..
ความหลากหลายของภาษาไทย...

โดย : สนพลิ้วลม

:http://www.numtan.com/nineboard/
หนูผิดไหม ที่ไม่รักแม่ ? ว.วชิรเมธี ♥
Pics by : Google
อกาลิโกโฮม * สุขใจดอทคอม
อนุโมทนาสาธุที่มาทั้งหมดมากมายค่ะ

ข่าว:

ตอบ

สรุปหัวข้อ

ข้อความโดย: แก้วจ๋าหน้าร้อน

ข้อความโดย: สายลมที่หวังดี

ข้อความโดย: ฐิตา